На раніцу 27 ліпеня на Астравеччыне ўбрана 17% ніў, пры гэтым хлебаробы КСУП “Гудагай” працуюць хутчэй за астатніх: у гаспадарцы абмалочана больш за трэць занятых збожжавымі плошчаў.
Новыя героі жніўнага спаборніцтва не прымусілі сябе чакаць: жаданую тысячу тон збожжа на свой рахунак сёння запісалі Іван Печкур і Іосіф Бабіч з КСУП “Гудагай”. Нагадаю, першым вадзіцелем-тысячнікам сёлета стаў Іосіф Макарэвіч.
Да слова сказаць, у мінулым годзе першынства сярод вадзіцеляў на жніве было за Іванам Печкурам. У гудагайскай гаспадарцы мужчына працуе нядаўна, але паказвае добры спрыт і імпэт.
На корманарыхтоўцы, якую ў народзе называюць зялёным жнівом, самым спрытным быў Іосіф Бабіч.
З выдатным вынікам прызёраў працоўнага спаборніцтва павіншавалі старшыня райкама прафсаюза работнікаў аграпрамысловага комплексу Юрый Адула і прафсаюзны лідар КСУП “Гудагай” Ганна Налівайка. Прыемным дадаткам для вадзіцеляў сталі грашовыя прэміі.
Івана Печкура віншуе Ганна Налівайка
Іосіф Бабіч прымае віншаванні ад Юрыя Адулы
Іван Печкур
Іосіф Бабіч
Телеграм-канал «Островецкая правда» – всё самое интересное из жизни Островца и Островецкого района.
Подписывайтесь на телеграм-канал «Гродно Медиа Group» по короткой ссылке t.me/GrodnoMediaGroup.
Телеграм-канал «Гродно Медиа Group» – это ежедневные новости районов Гродненской области и города Гродно.