Острвчане благодарят коммунальников

Добры дзень, паважаная газета. Хачу на старонках вашага выдання падзякаваць работнікам жыллёва-камунальнай гаспадаркі, а менавіта А. Мекіну, А. Свілу і Г. Кеду. Летам у нашай шматпавярхоўцы быў зроблены капітальны рамонт. Работы выконвала фірма з Нарачы. Усё было б добра, каб не памылкі, зробленыя падчас яго. Іх і прыйшлося ўстараняць нашым камунальнікам. У кастрычніку пачаўся  ацяпляльны сезон , аднак, на жаль, не ва ўсіх: палова нашай кватэры абагравалася, другая – не. Я кожны дзень званіла ў камунгас. І кожны дзень да нас прыходзілі то А.Свіла, то Г.Кеда. Асаблівая ўдзячнасць Г.Кеду за тое, што не пакінуў нас з гэтай праблемай адзін на адзін. Ён прыходзіў у кватэру, абследаваў падвал, пакуль урэшце не знайшоў прычыну халодных батарэй ацяплення. Мы пенсіянеры, таму ўдвая ўдзячныя А.Мекіну, А.Свілу і Г.Кеду за тое, што не пакінулі пажылых людзей без дапамогі. Ваша работа нялёгкая, але вельмі патрэбная людзям. Цяперь часта чутны заклікі не плаціць за святло, камунальныя паслугі. Дык няхай тыя, хто заклікае, хоць адзін дзень пасядзяць у халоданй кватэры без газы і святла. Можа, тады зразумеюць, як павінны мы быць удзячны за тое, што маем сёння. І дзякуюць тым людзям, якія робяць наша жыццё лягчэйшым і лепшым.   А.ШТУРА, жыхарка вул. Ленінскай, д.8. г.Астраўца